POWr Social Media Icons

Sunday, November 19, 2017

በደቡብ ክልል በህገ ወጥ መንገድ ሲዘዋወሩ የነበሩ የተለያዩ የጦር መሳሪያዎች በቁጥጥር ስር ዋሉ

(ኤፍ.ቢ.ሲ) በደቡብ ክልል በህገ ወጥ መንገድ ሲዘዋወሩ የነበሩ የተለያዩ የጦር መሳሪያዎች በቁጥጥር ስር መዋላቸው ተገለፀ።
በቁጥጥር ስር የዋሉትም 10 የተለያዩ የጦር መሳሪያዎች፣ ሁለት ቦምቦች እና 600 ጥይቶች ናቸው።
ከዚህ በተጨማሪም 3 ነጥብ 5 ሚሊየን ብር የሚያወጣ ቡና በህገ ወጥ መንገድ ሲዘዋወር በቁጥጥር ስር መዋሉ ተገልጿል።
Related image
ፎቶ ከደህረ ገጽ
የደቡብ ክልል ፖሊስ ኮሚሽን የወንጀል መረጃ ኢንተለጀንስ ዳይሬክተር ኮማንደር ጉራማይሌ ጉራኦ ለፋና ብሮድካስቲንግ ኮርፖሬት እንደተናገሩት፥ የክልሉ ፖሊስ ባደረገው ክትትል ነው መሳሪያዎቹ በቁጥጥር ስር የዋሉት።
የጦር መሳሪያዎቹ በህገ ወጥ መንገድ ከደቡብ ሱዳን ጠረፍ የገቡና በሲዳማ ዞን ሲዘዋወሩ በቁጥጥር ስር መዋላቸውንም ኮማንደር ጉራማይሌ ገልፀዋል።
በተጨማሪም በቤንች ማጂ ዞን በከፋ እና በሸካ ዞኖች በ10 አይሱዙ ተሽከርካሪዎች ተጭኖ፥ በህገ ወጥ መንገድ በመዘዋወር ላይ የነበረ 3 ነጥብ 5 ሚሊየን ብር የሚገመት ቡና በቁጥጥር ስር ውሎ ለመንግስት ገቢ መደረጉን አስታውቀዋል።
ቡናውን ጭነው የነበሩ 12 አሽከርካሪዎች እና ረዳቶች ጉዳያቸው በህግ እየተጣራ እንደሚገኝም ኮማንደር ጉራማይሌ አስታውቀዋል።
እንደ ኮማንደር ጉራማይሌ ገለጻ፥ በሩብ ዓመቱ በክልሉ ከ4 ነጥብ 2 ሚሊየን ብር በላይ ቶርሽን ጫማዎች፣ የሞተር ሳይክል እና የመኪና ሞተር መለዋወጫዎች፣ የኤሌክትሮኒክስ መሳሪያዎች እንዲሁም አዲስና ልባሽ ጨርቆች መያዛቸውን ተናግረዋል።
የኮንትሮባንድ እቃውን ጭነው በህገ ወጥ መንገድ ሲያጓጉዙ የነበሩ አሽከርካሪዎችም በቁጥጥር ስር መዋላቸውን ነው ኮማንደር ጉራማይሌ የገለፁት።
የተወሰኑት አሽከርካሪዎች ግን መኪናቸውን አቁመው መሰወራቸውን የጠቀሱት ኮማንደሩ፥ ያመለጡትን ግለሰቦች በቁጥጥር ስር ለማዋል እየተደረገ ያለው ጥረት ተጠናክሮ መቀጠሉን ጠቁመዋል።

Friday, November 17, 2017

በሰራ ለሚያምነው የሲዳማ ህዝብ ከዚህም በላይ ይባልለታል!

የኣበራ ቶሸ የሲዳማን ህዝብ የሰራ ባህል በማሞገስ የተቀኘላቸው ዜማ



 ሰሞኑን ከኦሮሚያ ክልል ባሌ ጎባ ዞን የተፈናቀሉት ቁጥራቸው ከኣምስት ሺህ በላይ የሚሆኑ የሲዳማ ተወላጆች በምግብ እና በመጠለያ እጦት ተቸግረዋል።
Image result for refugee in Oromia
ፎቶ

ለዝርዝር ወሬውን እዚህ ይጫኑ

Wednesday, November 15, 2017

ከቅርብ ጊዜ ወዲህ በኢትዮጵያ እየተከሰተ ካለው ቀውስ ጋር ተያይዞ እየተፈጠሩ ያሉ የሰብዓዊ መብት አያያዝ ችግሮች እንዲስተካከሉ እንግሊዝ ጠየቀች፡፡  
የኢትዮጵያ ሰብዓዊ መብት አያያዝ እንዲስተካከል እንግሊዝ ጥያቄ አቀረበች
የውጭ ጉዳይ ሚኒስትር ዴኤታ ወ/ሮ ሒሩት ዘመነ ከእንግሊዝ አምባሳደር ሱዛና ሞርሄድና ከኤምባሲው የሥራ ኃላፊዎች ጋር ውይይት ባደረጉበት ወቅት
ባለፉት ሁለት ዓመታት በአገሪቱ እየተከሰተ ካለው ቀውስ ጋር ተያይዞ የሰብዓዊ መብት አያያዝ ችግር እንዳለ፣ ኢትዮጵያም ይህን ችግር እንድታስተካክል እንግሊዝ ምክረ ሐሳብ ማቅረቧ ታውቋል፡፡
ይህ ምክረ ሐሳብ የቀረበው ኢትዮጵያና እንግሊዝ ለአራተኛ ጊዜ በሰብዓዊ መብቶች ላይ ያተኮረ የጋራ ውይይት፣ ሰኞ ኅዳር 4 ቀን 2010 ዓ.ም. በውጭ ጉዳይ ሚኒስቴር በተካሄደበት ወቅት ነው፡፡
በውይይቱ ላይ የውጭ ጉዳይ ሚኒስትር ዴኤታ ወ/ሮ ሒሩት ዘመነ፣ በኢትዮጵያ የስደተኛና ከስደት ተመላሽ ጉዳዮች ዳይሬክቶሬት ተወካዮች፣ የኢትዮጵያ ሰብዓዊ መብት ኮሚሽን ተወካዮች፣ በኢትዮጵያ የእንግሊዝ አምባሳደር ሱዛና ሞርሄድና የኤምባሲው የሥራ ኃላፊዎች፣ የብሪታኒያ ዓለም አቀፍ የልማት ድርጅት (ዲኤፍአይዲ) ዳይሬክተሮችና ሌሎች የሰብዓዊ መብት ተሟጋቾች ተገኝተው ነበር፡፡
የውይይቱ አጀንዳዎችም የኢትዮጵያ የሰብዓዊ መብት አያያዝ፣ ስደት፣ የመንግሥት ተጠያቂነትና ግልጽነት ነበሩ፡፡ የሁለቱ አገሮች የጋራ ውይይት የተካሄደው በዝግ ቢሆንም፣ የሪፖርተር ምንጮች እንደጠቆሙት በኢትዮጵያ ሰብዓዊ መብት አያያዝ ላይ ያሉ ችግሮችን የእንግሊዝ መንግሥት ተወካዮች በዝርዝር አውስተዋል፡፡
አንድ የእንግሊዝ ዲፕሎማት ለሪፖርተር እንደገለጹት፣ ኢትዮጵያ በምሥራቅ አፍሪካ ስደተኞችን በማስተናገድ ግንባር ቀደም አገር ብትሆንም በሰብዓዊ መብት አያያዝ ላይ ችግሮች አሉባት፡፡ ‹‹ይህንን ያህል የስደተኛ ቁጥር ተቀብሎ ማስተናገድ ከባድ ነው፡፡ የእንግሊዝ መንግሥት ይህንን ከግምት ውስጥ በማስገባት ከኢትዮጵያ መንግሥት ጎን ይቆማል፤›› ብለዋል፡፡ ‹‹የሰብዓዊ መብት አያያዝ ጉዳይ ግን ጊዜ የማይሰጠው ነው፤›› ሲሉ ዲፕሎማቱ ጠቁመዋል፡፡
በሁለቱ አገሮች ውይይት ላይ ከአራት ዓመታት በፊት የመን ተይዘው ለኢትዮጵያ ተላልፈው የተሰጡት የትውልደ ኢትዮጵያዊው አቶ አንዳርጋቸው ጽጌ ጉዳይ ተነስቶ ውይይት መደረጉን የሪፖርተር ምንጮች ጠቁመዋል፡፡ በውይይቱ ላይም አቶ አንዳርጋቸው በምን ሁኔታ ላይ እንዳሉ የእንግሊዝ መንግሥት ማብራሪያ መጠየቁን ለማወቅ ተችሏል፡፡ በኢትዮጵያ በኩል በተሰጠው ምላሽም እንደ ማንኛውም እስረኛ በእስር ላይ እንደሚገኙና የሰብዓዊ መብት ጥሰት እንደማይካሄድባቸው መገለጹ ታውቋል፡፡
ሁለቱ አገሮች ከአፍሪካ በተለይም ከምሥራቅ አፍሪካ እየፈለሱ ወደ አውሮፓ ስለሚሄዱ ስደተኞችና ስለሚደርስባቸው ጉዳት ውይይት መደረጉን ለማወቅ ተችሏል፡፡ በዚህም ኢትዮጵያ ለዜጎች የሥራ ዕድል በመፍጠር ስደትን ማስቆም እንዳለባት የእንግሊዝ መንግሥት መግለጹ ታውቋል፡፡ እንግሊዝ ሕገወጥ ስደትን ለማስቆምና ለወጣቶች የሥራ ዕድል ፈጠራ ያግዝ ዘንድ ለኢትዮጵያ የምታደርገውን ድጋፍ አጠናክራ እንደምትቀጥል ቃል መግባቷ ተሰምቷል፡፡
የውጭ ጉዳይ ሚኒስትር ዴኤታዋ ወ/ሮ ሒሩት እንግሊዝ የኢትዮጵያ ትልቋ የልማት አጋር መሆኗን ተናግረዋል፡፡ እንግሊዝ ከፍተኛ ድጋፍ እያደረገች መሆኗን የጠቆሙት ሚኒስትር ዴኤታዋ፣ በተለያዩ መስኮች በሚደረጉ የአቅም ግንባታ ሥራዎች ላይ አስተዋጽኦ እያበረከተች ነው ብለዋል፡፡ ኢትዮጵያ ገና በማደግ ላይ ያለች አገር በመሆኗም ችግሮች እንዳሉና በአሁኑ ወቅት ብዙ መሻሻሎች እንዳሉ አስረድተዋል፡፡

Saturday, November 11, 2017

ታላቁ የኢትዮጵያ ህዳሴ ግድብ ግንባታ እስኪጠናቀቅ ከቦንድ ግዥ በተጨማሪ በምርምር ስራ አስፈላጊውን ሙያዊ ድጋፍ ለማድረግ መዘጋጀቱን የሀዋሳ ዩኒቨርሲቲ አስታወቀ፡፡
የህዳሴ ግድቡን ዋንጫ አቀባበል ምክንያት በማድረግ የዩኒቨርሲቲው ተማሪዎች፣ መምህራንና ሰራተኞች ለግድቡ ግንባታ ከ30 ሚሊዮን ብር በላይ ድጋፍ አድርገዋል፡፡
የዩኒቨርሲቲው ፕሬዝዳንት አቶ አያኖ በራሶ ዛሬ ለኢዜአ እንደገለጹት ታላቁ የኢትዮጵያ ህዳሴ ግድብ ግንባታ እስኪጠናቀቅ የዩኒቨርሲቲው ማህበረሰብ ድጋፉን አጠናክሮ ለመቀጠል ቃል ገብቷል፡፡
የህዳሴ ግድቡ ግንባታ የመሰረት ድንጋይ ከተጣለበት ጊዜ አንስቶ በቦንድ ግዥ፣ በዕውቀትና በክልሉ በግድቡ ዙሪያ በሚደረጉ የውይይት መድረኮች የተቋሙ ምሁራን ሙያዊ ማብራሪያ በመስጠት ድጋፍ ሲያደርጉ መቆየታቸውን ተናግረዋል፡፡
ዩኒቨርሲቲው በምርምር ረገድም ራሱን የቻለ የውሀ ዘርፍ እንዳለው ጠቁመው በቀጣይም የአባይ ውሀ ሀገሪቱ የበለጠ መጠቀም የምትችልበትን ሁኔታን በጥናት በመለየት አስፈላጊውን ድጋፍ ለማድረግ ዝግጁ መሆናቸውን አቶ አያኖ ገልጸዋል፡፡
የህዳሴ ግድቡ ዋንጫ ሀዋሳ መግባቱን ተከትሎ የዩኒቨርሲቲው ተማሪዎች፣ መምህራንና ሰራተኞች በስጦታና በቦንድ ግዥ ከ30 ሚሊዮን ብር ድጋፍ ማድረጋቸውንም አመልክተዋል፡፡
በግላቸው ለሶስተኛ ጊዜ በወር ደመወዛቸው የቦንድ ግዥ መፈጸማቸውንም ጠቁመዋል፡፡
በዩኒቨርሲቲው የኬሚስትሪ የትምህርት መስክ የሶስተኛ ዓመት ተማሪ ዮርዳኖስ ገብረስላሴ በበኩሏ የአባይ ወንዝ ለሀገሩ ጥቅም እንዲሰጥ የግድቡ መገንባት የሚኖረው ፋይዳ ከፍተኛ እንደሆነ ጠቅሳ የታላቁ የህዳሴ ግድብ ዋንጫ ወደ ዩኒቨርሲቲው መምጣቱ እንዳስደሰታት ተናግራለች፡፡
የኮምፒውተር ሳይንስ የአራተኛ ዓመት ተማሪው  ታደሰ አይጠገብ በሰጠው አስተያየት ከኢትዮጵያ በርካታ የተፈጥሮ ሀብቶች አንዱ የሆነው አባይ ተገድቦ ጥቅም ላይ መዋሉ የሀገሪቱን ኢኮኖሚያዊ አቅም ለማጎልበት እንደሚያስችል ገልጿል፡፡
የህብረተሰቡን የኃይል ፍላጎትና አቅርቦት አለመመጣጠን የተነሳ የኤሌክትሪክ አገልግሎቱ ላይ እየተስተዋለ ያለውን የመቆራረጥ ችግር ማስቀረት ያስችላል ነው ያለው ተማሪ ታደሰ፡